主页 > H再生活 >Q版唔变身一样好玩Kids Logic星星叫 >

Q版唔变身一样好玩Kids Logic星星叫

Q版唔变身一样好玩Kids Logic星星叫

老变入面星星叫呢个角色一向笔者都几锺意,因为佢古古惑惑咁久唔久会跣下麦嘉登一镬,相比老柯、大黄蜂嗰啲老老实实嘅角色,星星叫真係鬼马好多。最近Kids Logic就推出咗佢Q版嘅全可动Figure,造工唔错之余有好多位着到灯,又几好玩喎!

Kids Logic一向以推出Q版figure闻名,大部份产品均来自Iron Man或者变形金刚系列,今次轮到呢只老变G1版星星叫。虽然版权问题未能够变形,但做到全可动兼且保留唔少细緻位,绝对值得一众老变迷留意。

Q版唔变身一样好玩Kids Logic星星叫

◆ 先睇睇个盒,好有「原厂」味道

Q版唔变身一样好玩Kids Logic星星叫

◆ 奸笑係星星叫招牌表情,不过今次最值得留意係上色,金属色系色彩配搭鲜明

Q版唔变身一样好玩Kids Logic星星叫

◆ 睇细位会发现製作人员都几细心,连星星叫实际变成机械人之后双翼狂派Logo会反转都做埋落去

Q版唔变身一样好玩Kids Logic星星叫

◆ 成只星星叫好多位都有灯,但如果可以做到一个掣开晒就更好喇(详见下片)

Q版唔变身一样好玩Kids Logic星星叫

◆ 老变十大悬案之首:点解麦嘉登自己手上面有支大炮唔用,星星叫左右手各一支枪又唔畀佢用,係都要自己变做支水枪仔迫星星叫用呢?

Q版唔变身一样好玩Kids Logic星星叫

◆ 除咗拳头,仲跟多五只手掌,其中一只係用嚟揸住枪仔麦嘉登(支麦嘉登仲可以着灯同发出焦焦声!)

Q版唔变身一样好玩Kids Logic星星叫

◆ 虽然个台座係胶造,但上色上到好似块铁牌咁靓。

Q版唔变身一样好玩Kids Logic星星叫

◆ 成只星星叫可动关节算好齐,但始终係头大身细嘅Q版,都係要靠个台座先摆到多啲唔同姿势

Q版唔变身一样好玩Kids Logic星星叫

◆ 刚刚遇着啱啱,就喺呢篇文刊登之后无耐嘅动漫节,Kids Logic会为呢只星星叫推出会场限量套装,会以普通版加上专用帝王套装两盒一套咁发售,锺意星星叫又未入嘅朋友不妨考虑一下

市面上唔少非原厂老变无论喺设计同造工方面都好过原厂孩之宝,毕竟大家针对唔同市场,原厂产品较儿童向,而非原厂通常主打kidult市场。Kids Logic呢只星星叫明显係以kidult市场作考虑,所以设计、上色全不马虎,尤其值得留意嘅係心口位置除咗识渐变咁光,两边喷射引擎仲会转动,感觉好high class。

至于色彩方面一向係Kids Logic强项,笔者最欣赏机身半光泽银色调到较为光亮同浅白,唔会好似坊间嘅星星叫咁灰沉,亦唔会过份追求金属感而变得偏离原色,恰到好处。如果机体部份夹口位能隐藏得更好,同埋全身LED灯设计到一个总掣着晒,咁就perfect池喇!

查询: 热血童盟 (电话: 27519018)

定价: $800



上一篇: 下一篇: